ABŞ bəzi ölkələrin vətəndaşlarının vizalarını ləğv etdi
ABŞ Dövlət Departamenti altı ölkənin vətəndaşlarının vizalarının ləğv edildiyini açıqlayıb. Belə ki, səbəb kimi həmin şəxslərin amerikalı ictimai xadim Çarli Kirkin öldürülməsindən sonra sosial şəbəkələrdə bu hadisəyə "müsbət və ya anlayışla" yanaşmaları göstərilir.
Crossmedia.az xəbər verir ki, bu barədə xarici KİV məlumat yayıb.
Departamentin rəsmi bəyanatında qeyd olunur:
“ABŞ öz vətəndaşlarının ölümünü arzulayan və ya buna rəğbət göstərən xarici şəxsləri ölkəyə qəbul etməyə borclu deyil”.
Qeyd edək ki, vizası ləğv olunan şəxslər Argentina, Cənubi Afrika, Meksika, Braziliya, Almaniya və Paraqvay vətəndaşlarıdır. Dövlət Departamenti bildirib ki, bu yalnız bir neçə nümunədir və belə hallara qarşı tədbirlər davam edəcək.
Xatırladaq ki, Çarli Kirk 10 sentyabr tarixində Yuta Vadisi Universitetində çıxışı zamanı silahlı hücum nəticəsində qətlə yetirilib. Onun qətli ilə bağlı əsas şübhəli şəxs Yuta ştatının sakini Tayler Robinson göstərilir. Robinsonun sosial şəbəkələrdə Kirkin siyasi baxışlarını tənqid etdiyi bildirilir.
Fatimə Məmmədova
10:38 15.10.2025
Oxunuş sayı: 6230
