Mirzoyandan təxribatçı açıqlama: Ermənistan konstitusiyanı dəyişmək öhdəliyi götürməyib
“Biz inanırıq və ciddi səylər göstəririk ki, köç etmiş şəxslər tam şəkildə Ermənistana inteqrasiya olunsun və həyatlarını Ermənistanda davam edə bilsinlər”.
Crossmedia.az xəbər verir ki, bu barədə Ermənistanın xarici işlər naziri Ararat Mirzoyan ATƏT-in fəaliyyətdə olan sədri, Finlandiyanın xarici işlər naziri Elina Valtonen ilə birgə mətbuat konfransında bildirib.
Onun sözlərinə görə, Minsk qrupu məsələsi, əslində, həll olunub.
“Siz düzgün qeyd etdiniz, Minsk qrupu məsələsi, əslində, həll olunub: siyasi qərar var və texniki məsələlər dekabr ayına qədər həll ediləcək. Konstitusiyaya gəlincə, qeyd etmək istəyirəm ki, əvvəllər olduğu kimi, belə bir məsələ gündəmdə yoxdur”, - deyə Mirzoyan bildirib.
Erməni nazir vurğulayıb ki, konstitusiyanın dəyişdirilməsi və ya yenisinin qəbulu sırf daxili siyasi məsələdir və bu qərarı Ermənistan xalqı verməlidir.
“Mən təəccüblənirəm ki, bu qədər çox izahatlardan sonra bu məsələ hələ də gündəmə gətirilir. Ermənistan heç vaxt belə bir öhdəlik götürməyib. Bu, daxili məsələdir. Bəli, Azərbaycan bunu hələ də əlaqələndirir və şərt kimi təqdim edir. Biz bu əlaqəni qəbul etmirik”, - deyə Mirzoyan bildirib.
14:31 14.10.2025
Oxunuş sayı: 1524
