Nobel sülh mükafatına ən layiqli şəxs Tramp idi -AÇIQLAMA
Bir müddət əvvəl amerikalı konqresmen Darrel İssa bildirmişdi ki, mən ABŞ prezidenti Donald Trampın Nobel Sülh Mükafatına namizədliyini irəli sürürəm. Heç kim bundan artıq mükafata layiq deyil. O bunu Trampın Ukrayna və Yaxın Şərqdəki münaqişələrə dair sülh səyləri ilə əsaslandırmışdı. Tramp əvvəllər də bir neçə dəfə Nobel Sülh Mükafatına namizəd olub, lakin heç vaxt bu mükafatı qazanmayıb. Bu dəfəki irəli srülən təklifdə hər kəs ehtimal edirdi ki, bu mükafata Tramp layiq görüləcək. Lakin mükafata venesuelalı siyasətçi Maria Corina Maçado layiq görülüb. Venesuelada müxalifət lideri olan 57 yaşlı Maçado 2011-2014-cü illərdə ölkəsinin Milli Assambleyasının deputatı olub, 2012-ci ildə baş tutan prezident seçkilərində iştirak edib. Təxmin edilir ki, Nobel sülh qurumu bu mükafatı bilərəkdən Trampa verməyib.
Mövzu ilə bağlı hüquqşünas, politoloq Yusif Bağırzadə Crossmedia.az-a açıqlama verib: “Trampın dünyadakı münaqişə ocaqlarının yatırılmasında rolu böyükdür. Böyük bir dövlətin başçısı olmaqla onun xarakterində olan xüsusiyyətlər, münaqişə ocaqlarının yatırılmasındakı rolu təqdirəlayiqdir. Yaxınlarda ABŞ dövlət katibi Marko Rubionun birinci bəyənatı o oldu ki, cənab Tramp dünyada müharibə ocaqlarının təqribən 8-ni dəf edib. Həqiqətən də Nobel sülh mükafatına ən layiqli şəxs Tramp idi. Ancaq nəzərə alsaq ki, bəzi dünya dövləti liderləri, Nobel sülh mükafatı mətbuat xidməti və ekspertlərinin verdiyi açıqlamalar Nobel sülh mükafatının sifarişlə verilmədiyini göstərirdi. Bundan 4-5 ay öncə ABŞ-nin vitse-prezidenti Jey Di Vens bildirmişdi ki, əgər Nobel sülh qurumu mükafatı Trampa verməsə ona qarşı sanksiyalar tətbiq ediləcək. Bu bəyanat da Nobel sülh mükafatı qurumunun xoşuna gəlməmişdi. Maria xanımın bu mükafatı alması buna cavab idi. Nəzərə alsaq ki, ABŞ Venesuela münasibətləri gərgindir. Böyük ehtimalla ABŞ-nin Venesuelaya hərbi müdaxiləsi ola bilərdi və bu ona hesablanmış bir addımdır ki, ABŞ Venesuelaya hücum etməsin”.
Ayhan
12:33 11.10.2025
Oxunuş sayı: 7586
