Britaniyalı nazirlər COP29-dakı pavilyonları ilə tanış olublar
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) dünyanın müxtəlif ölkələrindən nümayəndələri, yüksək səviyyəli siyasətçiləri və ekspertləri bir araya gətirib.
AZƏRTAC xəbər verir ki, Birləşmiş Krallıqdan gələn nümayəndə heyətinə müxtəlif sahələr üzrə yüksək səviyyəli nazirlər də daxildir. Böyük Britaniyanın inkişaf naziri Annelis Dodds, ticarət siyasəti üzrə dövlət naziri Duqlas Aleksandr və beynəlxalq enerji və iqlim üzrə naziri Keri Makkarti COP29-da Britaniya pavilyonunu ziyarət ediblər. Nazirlər ziyarət çərçivəsində bir sıra ikitərəfli görüşlər də keçiriblər.
Qeyd edək ki, Böyük Britaniyanın Baş naziri Kir Starmer, enerji təhlükəsizliyi və sıfır emissiya naziri Ed Milibend və xarici işlər naziri Devid Lemmi də COP29 üçün Bakıya gələn Britaniya nümayəndə heyətində yer alırlar. Bu, Böyük Britaniyanın qlobal iqlim dəyişikliyinə qarşı mübarizədə öhdəliklərinə sadiqliyini və beynəlxalq arenada bu sahədə daha sıx əməkdaşlıq qurmaq arzusunu göstərir.
23:00 14.11.2024
Oxunuş sayı: 14190
