İsrail ordusu Suriyada İrana bağlı terrorçuları məhv edib
İsrail Müdafiə Qüvvələri (IDF) Suriyanın ərazisində İrana bağlı “Qüds” qüvvələrinin xüsusi dəstəsi ilə əlaqəli bir neçə terrorçunun məhv edildiyini və İrana işləyən bir sıra əməliyyatçıların ələ keçirildiyini açıqlayıb. Bu barədə ordunun mətbuat xidməti məlumat yayıb.
Crossmedia.az xəbər verir ki, son aylarda İsrail qüvvələri tərəfindən Suriyanın cənubunda saxlanılan bir neçə şübhəli terrorçu hücrələrinə aid olub və İranın “840 dəstəsi”nin – “Qüds” qüvvələrinin gizli bölməsinin – tapşırıqları əsasında fəaliyyət göstərib.
“840 dəstəsi İsraildə və xaricdə yəhudilər və İsrail vətəndaşlarına qarşı terror əməliyyatlarını planlaşdırır və idarə edir. İranın “Qüds” bölməsi isə livanlıları və suriyalıları aldadaraq, rüşvət və yalan vasitəsilə cəlb edir, beləliklə onların həyatını təhlükəyə atır”, – məlumatda qeyd olunur.
Nicat Rüstəmzadə
19:01 12.09.2025
Oxunuş sayı: 4193
