Belarusda Rusiya ilə birgə “Zapad-2025” hərbi təlimləri start götürüb
Sentyabrın 12-dən 16-dək Belarusda ümumilikdə 13 minə yaxın hərbçinin iştirak edəcəyi iri Rusiya-Belarus “Zapad-2025” təlimləri keçiriləcək.
Crossmedia.az-ın məlumatına görə, təlimlərin məqsədi müdafiə hərəkətləri etmək və İttifaq dövlətinə qarşı "hipotetik təcavüzə" cavab vermək olacaq. Döyüş əməliyyatlarının aparılması, o cümlədən pilotsuz zərbə və kəşfiyyat sistemləri və elektron döyüş sistemlərinin tətbiqi üzrə müasir təcrübə mübadiləsinin aparılacağı gözlənilir. Proqrama taktiki nüvə silahlarının “istifadə elementləri” və eyniadlı hipersəs raketi olan Rusiyanın “Oreşnik” kompleksi daxildir.
Qarşıdan gələn təlimlər fonunda qonşu NATO ölkələri artıq təhlükəsizlik tədbirlərini gücləndirib. Moskva və Minsk əmin edirlər ki, təlimlər planlaşdırılıb və üçüncü ölkələrə qarşı yönəlməyib. Lakin Rusiyanın 2022-ci ildə Ukraynaya müdaxiləsi məhz bu təlimlərdən sonra başladı. Polşa Belarusla sərhədi artıq tamamilə bağlayıb.
10:22 12.09.2025
Oxunuş sayı: 5990
