Pezeşkian İran xalqından üzr istəyib
Dünən Ərdəbil əyalətinə səfər edən İran prezidenti Məsud Pezeşkian ölkədə elektrik enerjisinin verilməsindəki fasilələr və qaz təchizatındakı kəsintilərlə bağlı xalqdan rəsmən üzr istəyib.
Crossmedia.az-ın məlumatına görə, Pezeşkian deyib ki, hökumətin məqsədi vətəndaşlara problem yaratmaq deyil, əksinə, onların həyat şəraitini yaxşılaşdırmaqdır.
O, hazırkı vəziyyəti çətinliklərlə dolu bir dövr kimi dəyərləndirib və problemlərin yığılıb qaldığını vurğulayıb: “Təəssüf ki, biz hakimiyyətə gələndə artıq problemlər yığılmışdı. Bəzən bir sistemi aşırmaq üçün son bir damcı kifayət edir. Biz o mərhələyə çatmışıq”.
Ölkədəki problemlərin həll ediləcəyinə ümidvar olduğunu vurğulayan hökumət başçısı bildirib: “Allahın və xalqın köməyi, eləcə də ali rəhbərin dəstəyi ilə bu problemlərin öhdəsindən gələcəyimizə inanıram”.
10:18 12.09.2025
Oxunuş sayı: 1234
