Aİ Azərbaycan və Ermənistan arasında normallaşmaya dəstəyi davam etdirəcək
Avropa İttifaqı (Aİ) Cənubi Qafqazda sülhün möhkəmləndirilməsi, Azərbaycan və Ermənistan arasında münasibətlərin tam normallaşması, eləcə də regionda nəqliyyat və kommunikasiya infrastrukturunun inkişafı istiqamətində tərəfdaşlığını davam etdirəcək.
Crossmedia.az xəbər verir ki, bu barədə AB-nin Cənubi Qafqaz üzrə xüsusi nümayəndəsi Maqdalena Qrono “X” sosial şəbəkəsində paylaşım edib.
“Azərbaycanlı tərəfdaşlara təşəkkürümü bildirirəm. AB nümayəndə heyətinə rəhbərlik etdiyim səfər çərçivəsində Azərbaycanın mövqeyi ilə tanış oldum. Normallaşmanın bütün aspektlərinə, o cümlədən nəqliyyat əlaqələrinin inkişafına dəstəyimizi gücləndirməyə hazır olduğumuz mesajını çatdırdım”, – Qrono qeyd edib.
O, həmçinin Naxçıvana səfər etdiyini, burada mövcud nəqliyyat infrastrukturunu yerində izlədiyini və AB ilə mümkün əməkdaşlıq imkanlarının nəzərdən keçirildiyini bildirib.
Nihat Tahirov
11:41 01.09.2025
Oxunuş sayı: 5262
