ABŞ Venesuelaya hərbi müdaxilə edə bilər
ABŞ-nin Prezidenti Donald Tramp administrasiyasının Venesueladan olan həmkarı Nikolas Maduronun fiziki yolla ələ keçirilməsi üçün hərbi əməliyyat keçirməyi planlaşdırdığı barədə iddialar yayılıb.
Crossmedia.az xarici mediaya istinadən bildirir ki, Venesuela sahillərinə yeddi hərbi gəmi göndərilib. Onların arasında üç “Tomahawk” raketləri ilə təchiz olunmuş esmines, “Ticonderoga” sinfinə aid kreyser və bir zərbə sualtı qayığı da var.
Məlumata görə, əməliyyatda 4500 hərbçi, əlavə olaraq isə 2200 dəniz piyadası iştirak edə bilər. Ekspertlərin fikrincə, bu qüvvələr narkotik kartellərinə qarşı mübarizə məqsədi ilə göndərilən adi hərbi qrup deyil və daha genişmiqyaslı əməliyyata hazırlığı xatırladır.
Bu iddialar Vaşinqtonun Latın Amerikasında siyasi təsirini artırmaq cəhdləri fonunda gündəmə gəlib və beynəlxalq səviyyədə geniş müzakirələrə səbəb olub.
23:15 29.08.2025
Oxunuş sayı: 6416
