ABŞ rəsmisi rus tərcüməçilər qalmaqalından sonra dəyişiklik etdi
ABŞ prezidentinin xüsusi nümayəndəsi Stiv Uitkoff Rusiya ilə bağlı tərcümə qalmaqalından sonra qərarını dəyişib. O, artıq rəsmi görüşlərdə Dövlət Departamentinin tərcüməçilərindən istifadə edəcək.
Crossmedia.az xarici mediaya istinadən bildirir ki, bu addım Uitkoffun Moskvada keçirilən görüşlər zamanı rusiyalı tərcüməçilərin xidmətindən istifadə etməsi ilə bağlı yaranan qalmaqaldan sonra atılıb. İddialara görə, bu vəziyyət təhlükəsizlik protokolunun pozulması kimi qiymətləndirilib və müzakirələrdə ABŞ nümayəndə heyətinə risklər yarada bilərdi.
Qeyd edək ki, sözügedən qalmaqal mediada geniş rezonans doğurmuş, bəzi ekspertlər bu hadisəni ABŞ diplomatiyası üçün təhlükəli presedent adlandırmışdılar. Hazırkı dəyişiklik isə Vaşinqtonun bundan sonra daha ciddi protokol qaydalarına əməl edəcəyinə işarə kimi qiymətləndirilir.
20:24 29.08.2025
Oxunuş sayı: 1016
