Əli Əsədov Çin Yol və Körpü Korporasiyasının prezidenti ilə görüşüb
Azərbaycan Respublikasının Baş naziri Əli Əsədov avqustun 22-də Çin Yol və Körpü Korporasiyasının prezidenti Vanq Lijun ilə görüşüb.
Crossmedia.az xəbər verir ki, bu barədə Nazirlər Kabineti məlumat
yayıb.
Məlumata görə, görüşdə Azərbaycanda son illərdə yol-nəqliyyat
infrastrukturu sahəsində görülən işlər, xüsusilə Bakı şəhərində və ətraf ərazilərdə
nəqliyyat infrastrukturunun təkmilləşdirilməsi, şəhərdaxili sıxlığın
azaldılması və geniş nəqliyyat şəbəkəsinin qurulması istiqamətində həyata
keçirilən tədbirlər barədə söhbət açılıb.
Çin Yol və Körpü Korporasiyası ilə mümkün əməkdaşlıq məsələlərinə
toxunulub.
18:00 22.08.2025
Oxunuş sayı: 1370
