12 avtobusun dayanacaq yeri dəyişdirildi
Bu gün saat 12:00-dan Tofiq Bəhramov adına Respublika Stadionunun qarşısındakı Nəqliyyat-Mübadilə Mərkəzinə avtobusların girişi məhdudlaşdırılıb.
Azərbaycan Yerüstü Nəqliyyat Agentliyindən (AYNA) Crossmedia.az-a verilən məlumata görə, məhdudlaşdırma sabah stadionda keçiriləcək "Qarabağ"-“Şkendiya” oyunu ilə əlaqədardır.
Məlumata görə, xüsusi avtobus zonası oyuna üz tutacaq azarkeşlərin ixtiyarına verilərək onların maneəsiz hərəkətləri təmin olunacaq.
Məhdudiyyətlə əlaqədar 12 müntəzəm marşrut üzrə avtobusların dayanacaq yeri dəyişdirilərək müvəqqəti olaraq “Gənclik Mall” qarşısındakı dayanacaqdan təşkil edilib.
Qeyd edək ki, sabah Bakıda Tofiq Bəhramov adına Respublika Stadionunda UEFA Çempionlar Liqasının 3-cü təsnifat mərhələsində "Qarabağ"-“Şkendiya oyunu keçiriləcək.
17:52 11.08.2025
Oxunuş sayı: 7174
