Ermənistanın Moskvadakı səfiri Rusiya XİN-ə çağırılıb
Ermənistanın Rusiyadakı fövqəladə və səlahiyyətli səfiri Vagharshak Harutyunyan Rusiya Xarici İşlər Nazirliyinə (XİN) çağırılıb. Bu addım Ermənistan tərəfinin Moskvaya diplomatik nota təqdim etməsindən sonra atılıb.
Crossmedia.az xarici mediaya istinadən bildirir ki, Yerevan Rusiyaya qarşı notada erməni əhalisinin təhlükəsizliyinə təhdid yaradan bəzi hallarla bağlı narahatlığını ifadə edib. Ermənistan tərəfi xüsusilə erməni vətəndaşlarına qarşı Rusiyada guya təzyiqlərin artdığını vurğulayaraq, rəsmi Moskvadan izahat tələb edib.
Rusiya XİN isə səfir Harutyunyanla görüşdə Ermənistana verilmiş notaya cavab olaraq narahatlığını ifadə edib və son vaxtlar iki ölkə arasında münasibətlərdə müşahidə edilən gərginliyin əsas səbəblərini açıqlamağa çalışıb.
19:37 07.07.2025
Oxunuş sayı: 7532
