Zelenski və Tramp arasında səfir təyinatı müzakirəsi: ABŞ-Ukrayna əlaqələrində yeni mərhələ
ABŞ mətbuatında yer alan məlumatlara əsasən, Ukrayna Prezidenti Volodimir Zelenski ilə ABŞ-nin sabiq Prezidenti Donald Tramp arasında 4 iyulda baş tutan telefon danışığında Ukraynanın Vaşinqtondakı səfirinin dəyişdirilməsi məsələsi müzakirə olunub.
Crossmedia.az xəbər verir ki, “Bloomberg”-in anonim mənbələrə istinadla yaydığı xəbərə görə, Ukraynanın hazırkı baş naziri Denis Şmıhal ABŞ-yə səfir təyin olunmaq üçün əsas namizədlərdən biri hesab olunur. Bundan əlavə, Baş nazirin müavini Olha Stefanishina, Müdafiə naziri Rüstem Umerov və Energetika naziri German Qaluşçenko da potensial səfir namizədləri sırasındadır.
Hazırda Ukraynanın ABŞ-dəko səfiri vəzifəsini Oksana Markarova icra edir. Bloomberg analitikləri qeyd edirlər ki, onun yerinə yeni bir şəxsin təyin olunması Rusiya-Ukrayna müharibəsinin davam etdiyi və ABŞ-Ukrayna münasibətlərində həssas bir dövrün yaşandığı məqamda baş verir. Qeyd olunur ki, ötən həftə Tramp administrasiyası Ukraynaya müəyyən silah tədarükünü dayandırıb və Zelenski ilə telefon danışığı da bu qərardan sonra həyata keçirilib.
Məlumata görə, Prezident Zelenski ABŞ tərəfi ilə Ukraynanın yeni səfirinin təyinatını müzakirə etmək üçün Ukrayna Xarici İşlər Nazirliyinə müvafiq göstəriş verib.
Mədinə Cəlilova
20:20 07.07.2025
Oxunuş sayı: 8617
