İngiltərədə körpə qatilinin işlədiyi xəstəxanada 3 rəhbər ölüm cinayətində saxlanıldı
İngiltərədə yerləşən Cheshire polisi Countess of Chester xəstəxanasının üç yüksək vəzifəli rəhbərini “Kobud səhlənkarlıq nəticəsində ölüm”” yəni ölümə səbəb olmaqda şübhəli olaraq saxlayıb. Bu, 2023-cü ildə 7 körpənin qətlində və 7 dəfə qəsdən zərər vurmaqda məhkum edilmiş tibb bacısı Lucy Letby-nin işinə dair genişlənən araşdırmanın bir hissəsidir.
Saxlanılan xəstəxana rəhbərləri hazırda məhkəmə prosesi üçün buraxılıb, lakin onlar hələ heç bir açıqlama verməyib.
Cheshire polisi daha altıdan çox əlavə körpə ölümü və ya ağır vəziyyəti ilə bağlı sübutları Baş Prokurorluğa təqdim edib. Prokurorluq isə Lucy Letby-yə qarşı yeni ittihamlar irəli sürülüb-sürülməyəcəyini araşdırır. Bu proses bir neçə həftə çəkə bilər.
Lucy Letby hazırda ömürlük həbs cəzası çəkir. O, 2015-2016-cı illər arasında körpələrə qarşı törədilən cinayətlərdə günahlandırılıb.
Müstəqil tibbi ekspertlər qrupu son araşdırmalarında körpələrin ölümündə qəsdən zərərin olmadığı, səbəbin daha çox təbii və ya səhv tibbi baxım olduğunu bildirib.
Eyni zamanda “Thirlşall Inquiry” adlı xüsusi araşdırma komissiyası xəstəxanadakı sistem problemlərini araşdırır. Nəticələrin 2026-cı ilin əvvəlində açıqlanması gözlənilir.
Nigar Rəhimova
14:47 02.07.2025
Oxunuş sayı: 7548
