İran rəsmisi: “Bu artıq müharibədir, daha çətin ssenarilərə hazır olmalıyıq”
İranın Ali dini liderinin hərbi müşaviri Yahya Rəhim Səfəvi ölkə ictimaiyyətinə müraciət edərək, hazırkı vəziyyətin sadə toqquşma deyil, faktiki müharibə olduğunu bildirib.
“İran xalqına səslənirəm, biz artıq yeni bir dövrdəyik. Bu hadisələr bir günlük və ya bir həftəlik zərbələr mübadiləsi deyil, bu, faktiki müharibədir. Daha çətin ssenarilərə hazır olmalıyıq”, – deyə Səfəvi qeyd edib.
Crossmedia.az xəbər verir ki, O, həmçinin bildirib ki, İran qarşı tərəfə bütün imkanları ilə zərbə endirir və daha ağır zərbələr vurmağa hazırdır: “Çünki burada bizim taleyimiz həll olunur. Bir neçə gün öncə dediyim kimi, hər şey yeni başlayıb və uzun davam edə bilər”.
20:47 15.06.2025
Oxunuş sayı: 9044
