İddia: İran rəsmiləri Rusiya ilə təxliyə planlarını müzakirə edir
İranın ali dini lideri Ayətullah Əli Xamneyinin administrasiyası rəhbərinin müavini Əli Əsgər Hicazi özünü və ailəsini İrandan təxliyə etmək imkanları barədə Rusiya rəsmiləri ilə danışıqlar aparır.
Crossmedia.az xəbər verir ki, İran mənbələrinin məlumatına görə, Moskva tərəfi vəziyyətin daha da pisləşəcəyi halda Hicazi və digər yüksək vəzifəli şəxslər üçün təhlükəsiz dəhliz təşkil etməyə hazır olduğunu bildirib. Bildirilir ki, oxşar zəmanətlər digər yüksək səviyyəli İran rəsmilərinə də verilib və onların bir qismi artıq ölkədən çıxmaq üçün hazırlıqları tamamlayıb.
Bu iddialar İsrail Baş naziri Benyamin Netanyahunun son bəyanatı ilə üst-üstə düşür. Netanyahu İran rəhbərliyinin “çantalarını yığdığını” və münaqişədən yayınmağa çalışdığını bildirmişdi.
Rəsmi Tehran məsələ ilə bağlı hələlik hər hansı açıqlama verməyib.
20:05 15.06.2025
Oxunuş sayı: 8896
