Xarici xəbərlər

ABŞ-yə açıq xəbərdarlıq: Müdaxilə edilsə, regiondakı bazalar hədəf alınacaq

İraqdakı İslam Müqaviməti İranın xarici hərbi dəstək olmadan İsraillə mübarizə aparmaq üçün kifayət qədər imkanlara sahib olduğunu bəyan edib.

Crossmedia.az xarici KİV-ə istinadən xəbər verir ki, qruplaşma ABŞ-nin regiondakı hər hansı müdaxiləsinin Amerikanın maraqları və bazaları üçün birbaşa təhlükə yaradacağını bildirib. Onlar Vaşinqtonun münaqişəyə qarışacağı təqdirdə, ABŞ qüvvələrinə qarşı hücumların istisna edilməyəcəyini vurğulayıblar.

Bəyanatda, həmçinin, İraq hökuməti və onun müttəfiq qüvvələri ABŞ səfirliyinin bağlanmasına və Amerika hərbçilərinin ölkədən çıxarılmasına çağırılıb. Müqavimət hərəkatı bu addımı milli məsuliyyət kimi qiymətləndirib.

🖨 Çap et

19:25 15.06.2025

Oxunuş sayı: 733