Ermənilərin İranın hərbi sirlərini sızdırdığı iddia olunur
Rus dilində fəaliyyət göstərən Vesti.az saytı Ermənistanın İrana qarşı xəyanət etdiyinə dair sensasion məlumat yayıb.
Crossmedia.az xəbər verir ki, saytın yazdığına görə, hazırda İran daxilində əsas müzakirə mövzusu İsrail kəşfiyyatının İranın xüsusi xidmət orqanları və ordusuna dair yüksək məxfi məlumatları necə əldə etməsidir.
Araşdırmalar nəticəsində məlum olub ki, bu məlumatların toplanmasında İranda yaşayan bir neçə erməni əsas rol oynayıb. Təxminən 6–7 ay əvvəl Qərb ölkələrindən birində yaşayan tanınmış erməni diaspor nümayəndəsi Tehrana gələrək böyük biznes qurmaq bəhanəsi ilə əsasən yerli ermənilərdən ibarət komanda yaradıb.
Daha sonra həmin şəxs Ermənistana səfər edərək orada da yeni bir şirkət təsis edib. Bu şirkət vasitəsilə xüsusilə Fransadan olan ərzaq məhsulları Ermənistana idxal edilib və daha sonra həmin məhsullar İran bazarına çıxarılıb. Bu proses nəticəsində İran ordusunun yüksək rütbəli zabitləri ilə davamlı və sıx əlaqələr qurulub, münasibətlər şəxsi və ailəvi səviyyəyə qədər inkişaf edib.
Əldə edilən məlumata görə, məhz bu əlaqələr sayəsində İran ordusuna ərzaq tədarük edən erməni şirkəti və onun rəhbəri strateji və məxfi informasiyaları əldə edərək qarşı tərəfə ötürə biliblər.
Mənbələr bildirir ki, bu müddət ərzində Ermənistan hakimiyyəti də proseslərə dolayı şəkildə cəlb olunub. İran Ermənistanı “dost və etibarlı tərəfdaş” hesab edərək bəzi hərbi yüklərin hava yolu ilə bu ölkənin ərazisindən daşınmasında istifadə edib. Lakin Ermənistanın xüsusi xidmət orqanlarının bu hərəkətləri izləyərək məlumatları üçüncü tərəfə ötürdüyü bildirilir.
Hadisə İran daxilində ciddi rezonans doğurub və məsələnin araşdırılması davam etdirilir.
18:05 15.06.2025
Oxunuş sayı: 5161
