İran XİN başçısı: “Nüvə hüquqlarımızı əlimizdən almaq istəyən razılaşmanı qəbul etmərik”
İranın xarici işlər naziri Abbas Əraqçi bəyan edib ki, ölkəsi nüvə silahının əldə edilməsinin qarşısını almağa yönəlmiş istənilən razılaşmaya açıqdır. Lakin əgər belə bir razılaşma İranın nüvə sahəsindəki qanuni hüquqlarını əlindən almağı hədəfləyirsə, Tehran bu cür razılaşmanı qəbul etməyəcək.
Crossmedia.az bu barədə xarici mediaya istinadən məlumat verir.
“Biz nüvə silahına malik olmağın qarşısını almaq məqsədi daşıyan hər bir razılaşmaya hazırıq. Amma əgər məqsəd İranın nüvə hüquqlarını əlindən almaqdırsa, biz belə bir razılaşmanı qəbul etməyəcəyik,” – deyə Əraqçi bildirib.
Nazir əlavə edib ki, İran regional müharibənin genişlənməsində maraqlı deyil: “Əgər bizə qarşı təcavüz dayandırılarsa, bizim cavablarımız da dayanar.”
14:58 15.06.2025
Oxunuş sayı: 9693
