Xarici xəbərlər
KİV: İranın zərbəsindən sonra İsraildə araşdırma mərkəzi yanıb
İranın İsraili atəşə tutması nəticəsində Rehovot şəhərində yerləşən Veyzman Elmi İnstitutunun Tədqiqat Mərkəzinə ciddi ziyan dəyib və yanğın olub.
Crossmedia.az xəbər verir ki, bu barədə "The New York Times" nəşri daxil olduğu fotolara istinadən yazıb.
İnstitutun yataqxanasında yaşayan tələbə qəzetə bildirib ki, Tədqiqat Mərkəzinin binasındakı divarların çoxu uçub. O, həmçinin əlavə edib ki, partlayış nəticəsində yaranan zərbə dalğası yaxınlıqdakı binaların pəncərələrinin şüşələrini sındırıb.
“The New York Times”ın dərc etdiyi fotoda da araşdırma mərkəzində yanğının baş verdiyi görünür.
09:32 15.06.2025
Oxunuş sayı: 7604
