Rusiya və Ukrayna arasında növbəti əsir mübadiləsi baş tutub
Rusiya və Ukrayna arasında 2 iyun tarixində İstanbulda əldə olunan razılaşma çərçivəsində növbəti dəfə əsir mübadiləsi həyata keçirilib.
Crossmedia.az xəbər verir ki, bu barədə Rusiya Müdafiə Nazirliyi məlumat yayıb.
Nazirliyin açıqlamasında bildirilib:
"İstanbulda əldə olunan razılaşmalar əsasında Rusiya Silahlı Qüvvələrinin bir qrup hərbçisi Kiyev rejiminin nəzarətində olan ərazidən geri qaytarılıb. Əvəzində isə Ukrayna Silahlı Qüvvələrinin bir qrup əsir hərbçisi Ukrayna tərəfinə təhvil verilib".
Hazırda rusiyalı hərbçilərin Belarus ərazisində olduqları və burada onlara tibbi və psixoloji yardım göstərildiyi qeyd olunub.
Onların yaxın günlərdə Rusiyaya göndəriləcəyi və Müdafiə Nazirliyinə bağlı tibb müəssisələrində müalicə və reabilitasiya prosesinə cəlb olunacağı bildirilib.
Aybəniz Səfərova
22:29 14.06.2025
Oxunuş sayı: 11104
