Pakistanlı deputat: "İki nüvə dövləti arasında münaqişənin həlli üçün daha fəal beynəlxalq vasitəçilik lazımdır"
Pakistanın baş naziri Şahbaz Şərif Hindistanla son beş günlük silahlı münaqişədən sonra Cənubi Asiyada sülh təşəbbüsünü təşviq etmək üçün Avropa İttifaqına xüsusi parlament missiyası göndərib.
Crossmedia.az xəbər verir ki, bu barədə Brüsseldə keçirilən mətbuat konfransında Pakistan nümayəndə heyətinin rəhbəri, bu ölkənin Milli Assambleyasının üzvü Bilaval Bhutto Zərdari bildirib. B.Zərdari qeyd edib ki, onu müxtəlif vaxtlarda ekologiya və iqlim dəyişikliyi, xarici işlər və s. nazir vəzifələrində çalışmış təcrübəli siyasətçilər müşayiət edir.
B.Zərdarinin sözlərinə görə, missiyanın əsas məqsədi beynəlxalq ictimaiyyəti münaqişənin həllində vasitəçiliyə cəlb etmək və yarımqitədə uzunmüddətli sülhün bərqərar olmasına kömək etməkdir.
"Hesab edirik ki, diplomatiya bütün məsələləri həll etmək üçün yeganə yoldur. Kəşmir probleminin hərbi həlli yoxdur, terrorçuluğun hərbi həlli yoxdur, Hindistan və Pakistanın tarixən üzləşdiyi heç bir problemin hərbi həlli yoxdur", - o deyib.
Deputat qeyd edib ki, atəşkəs əldə olunsa da, bu, yalan təhlükəsizlik hissi və normal vəziyyətə qayıtmaqdır.
"Atəşkəsdən sonra yalan sakitlik hissi var, lakin reallıq budur ki, bu gün hamımız münaqişənin başlanğıcında olduğundan daha böyük təhlükə qarşısındayıq", - o deyib. B.Zərdari qeyd edib ki, iki nüvə dövləti arasında tammiqyaslı müharibənin həddi kritik şəkildə tarixdə görünməmiş səviyyəyə endirilib.
Xüsusi həyəcan doğurucu odur ki, beş günlük münaqişə zamanı Hindistan Pakistan ərazisinə nüvə mərmisinə malik “Bramos” raketi atıb. Onun sözlərinə görə, bu halda raket nüvə başlığı ilə silahlanmasa da, Pakistanın vəziyyəti qiymətləndirmək və cavabının xarakteri ilə bağlı qərar vermək üçün çox az vaxtı var.
Onun sözlərinə görə, su resursları problemi ətrafında vəziyyət də mürəkkəb olaraq qalır və nüvə gücləri arasında ilk “su müharibəsi”nə səbəb ola bilər.(report)
19:50 14.06.2025
Oxunuş sayı: 7668
