Xarici xəbərlər

Lavrov: “Rusiya İsrailin İrana qarşı hərbi əməliyyatını qətiyyətlə pisləyir”

Rusiya İsrailin İrana qarşı həyata keçirdiyi hərbi əməliyyatı sərt şəkildə pisləyib.

Crossmedia.az xəbər verir ki, bu barədə Rusiyanın xarici işlər naziri Sergey Lavrov iranlı həmkarı Abbas Əraqçı ilə telefon danışığı zamanı bildirib.

Rusiya Xarici İşlər Nazirliyinin yaydığı məlumatda qeyd olunur ki, sözügedən telefon danışığı İran tərəfinin təşəbbüsü ilə baş tutub.

Lavrov, Moskvanın İsrailin İrana qarşı hərbi fəaliyyətini qətiyyətlə pislədiyini bəyan edib və regionda gərginliyin daha da artmasından narahatlığını ifadə edib.

Nazir əlavə edib ki, Rusiya İranın nüvə proqramı ətrafında vəziyyətin nizamlanması və Tehran-Təl-Əviv xəttində gərginliyin azaldılması istiqamətində vasitəçilik səylərini davam etdirməyə hazırdır.

🖨 Çap et

19:32 14.06.2025

Oxunuş sayı: 857