Netanyahu: “Tezliklə Tehran səmasında İsrail təyyarələrini görəcəksiniz”
İsrailin baş naziri Benyamin Netanyahu İranla artan gərginlik fonunda yeni açıqlama verib.
Crossmedia.az xəbər verir ki, hökumət başçısı İsrail ordusunun yaxın vaxtlarda Tehrana hava hücumlarını davam etdirəcəyini bəyan edib:
“Tezliklə Tehran səması üzərində ölkəmizin Hərbi Hava Qüvvələrinə məxsus təyyarələri görəcəksiniz. İsrail, İranda yerləşən bütün hədəfləri və obyektləri vuracaq”, – deyə Netanyahu bildirib.
O qeyd edib ki, artıq İranın uranı zənginləşdirdiyi əsas obyektlərdən biri İsrail tərəfindən hədəfə alınıb. Baş nazirin sözlərinə görə, zərbələr həmçinin İranın nüvə proqramında iştirak edən alimlərə qarşı da yönəlib.
Netanyahunun açıqlamaları regionda gərginliyin daha da artacağından xəbər verir.
Aybəniz Səfərova
19:26 14.06.2025
Oxunuş sayı: 817
