Xarici xəbərlər

İsrail Ordusu İranda hərbi hədəflərə zərbələr endirib - F-35 qırıcısı vurulub

İsrailin Müdafiə Ordusu İranın qərbində yerləşən Kermanşah bölgəsindəki hərbi garnizona hava zərbələri endirib. Məlumatı ilk olaraq İranın “Tasnim” agentliyi yayıb. Zərbələr nəticəsində ərazidə yerləşən bir neçə obyektin dağıldığı qeyd olunur.

Crossmedia.az xarici mediaya istinadən bildirir ki, hücum zamanı Borucerd şəhərindəki avtomobil istehsalı zavodu da hədəfə alınıb. Hadisə nəticəsində zavodda ciddi dağıntılar və yanğın müşahidə olunub. Zərərin miqdarı və mümkün insan tələfatı barədə hələlik dəqiq məlumat yoxdur.

İranın hava hücumundan müdafiə qüvvələri hücumlara cavab olaraq, İsrailə məxsus daha bir F-35 tipli qırıcını ölkənin qərb hissəsində vurduqlarını bəyan ediblər. Məlumata görə, təyyarə İran ərazisində vurularaq zərərsizləşdirilib.

Hücumun səbəbləri və İsrailin bu addımı niyə atdığı barədə rəsmi açıqlama verilməyib. İran tərəfi isə vəziyyəti nəzarətdə saxladıqlarını və əlavə tədbirlərin görüləcəyini bildirib.

Qeyd edək ki, son dövrlər İran və İsrail arasında gərginliyin artması müşahidə olunur. Analitiklər hesab edirlər ki, bu cür hücumlar iki ölkə arasında münasibətlərin daha da pisləşməsinə səbəb ola bilər.

Fatimə Nəbiyeva

🖨 Çap et

17:15 14.06.2025

Oxunuş sayı: 827