İsrailin qəfil hücumu Omanda keçiriləcək danışıqları təxirə saldı
İran bir həftədən artıqdır ki, ABŞ ilə nüvə danışıqları uğursuz olarsa, İsrailin hücumuna hazırlaşırdı, lakin bu bazar günü Omanda keçirilməsi planlaşdırılan danışıqların növbəti raundundan əvvəl İsrailin zərbə endirəcəyini heç kəs gözləmirdi.
Crossmedia.az bu barədə "The New York Times"-a istinadən xəbər verir.
Zərbə gecəsi İranın yüksək rütbəli hərbi komandirləri təhlükəsiz yerdə sığınmayıb, öz evlərində qalıblar. İran İslam İnqilabı Keşikçiləri Korpusunun Aerokosmik Qüvvələrinin komandanı Əmir Əli Hacızadə və onun yüksək rütbəli heyəti bir yerdə toplaşmaq barədə göstərişi pozub. Onlar Tehrandakı hərbi bazada fövqəladə müharibə toplantısı keçiriblər və İsrail bazaya zərbə endirən zaman öldürülüblər.
14:15 14.06.2025
Oxunuş sayı: 10123
