Netanyahu və Putin regional gərginliyi müzakirə edib
İsrailin baş naziri Benyamin Netanyahu Rusiya Federasiyasının prezidenti Vladimir Putinlə telefon danışığı aparıb. Danışıqlar zamanı baş nazir Kreml rəhbərinə İrana qarşı planlaşdırılan və ya həyata keçirilən əməliyyatlarla bağlı məlumat verib.
Crossmedia.az xəbər verir ki, İsrail Baş Nazirinin Ofisinin verdiyi məlumata görə, telefon söhbətində ikitərəfli münasibətlər və regional vəziyyət, o cümlədən Yaxın Şərqdəki son gərginliklər müzakirə olunub.
Netanyahu söhbət zamanı Rusiyanın diqqətinə bir sıra əhəmiyyətli detalları çatdırıb.
Tərəflər bölgədəki gərgin təhlükəsizlik durumunu və mümkün ssenariləri də müzakirə ediblər. Kremlin danışıqların məzmunu ilə bağlı ayrıca açıqlama yayacağı gözlənilir.
22:05 13.06.2025
Oxunuş sayı: 951
