Xarici xəbərlər

ABŞ maraqlarının təmsilçisi İran XİN-ə çağırılıb

İran İslam Respublikasının Xarici İşlər Nazirliyi İsrailin ölkə ərazisinə cümə günü həyata keçirdiyi hərbi hücuma görə ABŞ-nin maraqlarını təmsil edən İsveçrənin Tehrandakı səfiri Nadin Lozanonu nazirliyə çağıraraq rəsmi etirazını çatdırıb.

Crossmedia.az xəbər verir ki, rəsmi Tehranın mövqeyinə görə, İsrailin bu hücumu İranın ərazi bütövlüyü və suverenliyinin kobud şəkildə pozulması deməkdir. Hava zərbələri nəticəsində yüksək rütbəli hərbçilər, universitet professorları, qadınlar və uşaqlar da daxil olmaqla çoxsaylı mülki şəxs həlak olub və yaralanıb.

Hədəflər arasında Natanz nüvə obyekti, hərbi infrastruktur və yaşayış binaları da yer alıb.

Bu kontekstdə səfir Nadin Lozano, həm də ABŞ-nin İrandakı Maraqlar Bölməsinin rəhbəri qismində, İran XİN-in Amerika məsələləri üzrə baş direktoru İsa Kameli tərəfindən nazirliyə dəvət olunub.

Görüş zamanı Kameli İranın İsrailin təcavüzkar hərəkətlərini qətiyyətlə pislədiyini, Vaşinqtonun bu hücuma verdiyi dəstəyə görə rəsmi etiraz etdiyini bildirib.

O, qeyd edib ki, İsrailin həyata keçirdiyi hərbi əməliyyatlar BMT Nizamnaməsi və beynəlxalq hüququn prinsiplərinə ziddir.

Kameli vurğulayıb ki, ABŞ-nin uzun illərdir İsrailə göstərdiyi siyasi və hərbi dəstək nəzərə alınaraq, Vaşinqton bu hücumun nəticələrinə görə məsuliyyət daşıyır.

Diplomat eyni zamanda ABŞ-ni İsrailə hərbi yardım göstərməməyə və İranın qanuni özünümüdafiə hüququna mane olmamağa çağırıb.

Onun sözlərinə görə, bu hücumun ABŞ-nin ya birbaşa iştirakı, ya koordinasiyası, ya da razılığı olmadan baş verməsi qeyri-mümkündür və bu, beynəlxalq hüququn açıq şəkildə pozulmasıdır.

Səfir Lozano isə İranın mövqeyini və narahatlığını dərhal ABŞ administrasiyasına çatdıracağını vəd edib.

🖨 Çap et

21:30 13.06.2025

Oxunuş sayı: 6136

Oxşar xəbərlər

İslamabadda məhkəmə binası yaxınlığında partlayış: 12 nəfər həlak olub

Ukraynanın Rusiyaya hücumlarında 8 mülki şəxs həlak olub, 45 nəfər yaralanıb

ABŞ Qəzza yaxınlığında beynəlxalq qüvvələr üçün hərbi baza quracaq

Çin Pentaqonla əlaqəli şirkətlərə nadir torpaq metalları tədarükünü məhdudlaşdırmağı planlaşdırır

Ermənistan və Səudiyyə Ərəbistan iqtisadi əlaqələri genişləndirməyə hazırlaşır

Qəzza üzrə BMT qətnaməsi sülh prosesini əngəlləməməlidir - Hakan Fidan

PREZİDENTİN GÜNDƏLİYİ

ABŞ maraqlarının təmsilçisi İran XİN-ə çağırılıb

Oxşar xəbərlər

Prezident: Bu gün Azərbaycanın hər bir yerində Dövlət bayrağı dalğalanır - VİDEO

Prezident İlham Əliyev Hərbi paradla bağlı paylaşım edib

İlham Əliyev Dövlət Bayrağı Günü münasibətilə paylaşım edib

Azərbaycan Prezidentinin, Türkiyə Prezidentinin və Pakistanın Baş nazirinin üçtərəfli görüşü olub

Azərbaycan, Türkiyə və Pakistan liderləri birgə nahar edib

İlham Əliyev: Biz gənc nəsli vətənpərvərlik, Vətənə sevgi ruhunda tərbiyə etmişik

SON XƏBƏRLƏR