Xameneyi: "İsrail ölkəmizdə cinayət törədib, sionist rejimi ağır cəza gözləyir"
İranın ali dini lideri Əli Xameneyi İsrailin bu gün səhər saatlarında İrana endirdiyi hava zərbələrinə münasibət bildirib.
Crossmedia.az “Snn.ir”ə istinadən xəbər verir ki, Xameneyi çıxışında hücumu “cinayət” adlandıraraq, İsrailin yaşayış məntəqələrini hədəf aldığını vurğulayıb:
“Sionist rejim bu gün sübh çağı ölkəmizdə cinayət törədib və yaşayış məntəqələrini vurmaqla öz pis mahiyyətini bir daha ortaya qoyub.”
Ali lider bildirib ki, hücum nəticəsində bir sıra yüksək rütbəli komandirlər və nüvə sahəsində çalışan alimlər həlak olub.
“İsrail bu cinayətin ağır cəzasını çəkməlidir”, – deyə Xameneyi xəbərdarlıq edib.
İranın rəhbərliyindən gələn bu sərt açıqlamalar bölgədə gərginliyin daha da artacağı ehtimalını gücləndirir.
Aybəniz Səfərova
09:29 13.06.2025
Oxunuş sayı: 10298
