Ankarada icazəsiz Fələstin aksiyası polislə toqquşmaya çevrildi
Türkiyənin paytaxtı Ankarada Fələstinlə bağlı keçirilən icazəsiz etiraz aksiyası zamanı polisə hücum edən altı nəfər saxlanılıb.
Crossmedia.az türk mediasına istinadən xəbər verir ki, hadisə axşam saatlarında şəhərin mərkəzindəki Kızılay Yüksel küçəsində baş verib.
Aksiyanın qanunsuz olduğunu əsas gətirən hüquq-mühafizə orqanları qrupun dağılışması üçün dəfələrlə xəbərdarlıq etsələr də, etirazçılar göstərişlərə tabe olmayaraq müqavimət göstəriblər.
Etirazçılar əllərindəki bayraq və çubuqlarla polis əməkdaşlarına hücum etdikdən sonra asayiş keşikçiləri müdaxilə edib və altı nəfəri saxlayaraq polis bölməsinə aparıblar.
Hazırda saxlanılan şəxslərlə bağlı əməliyyat tədbirləri davam etdirilir.
02:19 13.06.2025
Oxunuş sayı: 9178
