Xarici xəbərlər
Pezeşkian: “Təzyiqlərə baxmayaraq, uranı zənginləşdirməyə davam edəcəyik”
Bu gün İngiltərə, Fransa və Almaniya tərəfindən İran əleyhinə yeni qətnamənin qəbul olunmasına Tehran sərt reaksiya verib.
Crossmedia.az xəbər verir ki, İran Prezidenti Məsud Pezeşkian ölkəsinin nüvə siyasətinə tam dəstək göstərərək bəyan edib ki, İran xalqı beynəlxalq təzyiqlərə rəğmən öz müstəqil yolunu davam etdirəcək.
“Biz anlamırıq, necə ola bilər ki, həmin dövlətlərlə əməkdaşlıq etməliyik, amma onlar bizə qarşı pis niyyət göstərməsinlər. İran xalqı öz ayaqları üstündə durmalı və müstəqil yaşamalıdır”, – deyə Pezeşkian bildirib.
Prezident çıxışı zamanı İranın nüvə proqramı uğrunda həyatını itirənləri anaraq vurğulayıb ki, Tehran uranın zənginləşdirilməsi prosesindən geri çəkilməyəcək:
“Biz yolumuza davam edəcəyik. Əgər qurğularımızı bombalasalar belə, bütün güc bizim beynimizdədir. Nə etsələr də, biz yenidən quracağıq”.
Pezeşkian həmçinin ölkə daxilində birlik və həmrəyliyə çağırış edərək qeyd edib ki, İranın gələcəyi gənclərin əli ilə qurulacaq:
“Biz bu ölkəni məhz bu gənclərlə quracağıq. Bunun üçün ixtilafları və problemləri aradan qaldıraraq birlikdə çalışmalıyıq”.
00:30 13.06.2025
Oxunuş sayı: 11045
