KİV: İsrail yaxın günlərdə İrana hərbi zərbə endirə bilər
İsrail İranın nüvə obyektlərinə qarşı hərbi əməliyyat hazırlığına başlayıb.
Crossmedia.az "Reuters"ə istinadən xəbər verir ki, ABŞ kəşfiyyat agentlikləri İsrailin bu istiqamətdə konkret hazırlıqlar apardığını müəyyən edib.
Agentliyin məlumatına görə, Tel-Əviv rəhbərliyi İranın nüvə proqramının sürətlənməsini regional təhlükə kimi qiymətləndirir.
Bununla belə, ABŞ administrasiyası İsrailin hücum qərarı ilə bağlı hələlik yekun addım atmadığını bildirir.
“Reuters”ə danışan ABŞ rəsmisi qeyd edib ki, hazırda hücum əmri ilə bağlı qəti qərarın verildiyinə dair heç bir əlamət yoxdur.
Məsələ ilə bağlı Birləşmiş Qərargah Rəisləri Komitəsinin sədri, general Den Kaine də açıqlama verib. O, Atom Enerjisi üzrə Beynəlxalq Agentliyin (AEBA) İranla bağlı son hesabatını “narahatedici” adlandırıb:
“Görünür, beynəlxalq ictimaiyyət AEBA-nın qətnaməsinə cavab olaraq hansı addımları atacağını dəyərləndirir”.
Qeyd edək ki, AEBA-nın son hesabatında İranın zənginləşdirilmiş uran ehtiyatlarının artması və nüvə fəaliyyətinin şəffaf olmaması ilə bağlı narahatlıq ifadə olunub.
21:14 12.06.2025
Oxunuş sayı: 10911
