Ukrayna və Rusiya arasında ağır yaralı hərbçilərin ikinci mübadiləsi həyata keçirilib
Ukrayna və Rusiya İstanbulda keçirilən danışıqların ikinci raundu çərçivəsində hərbi əsirlərin növbəti mübadiləsini həyata keçiriblər.
Crossmedia.az xəbər verir ki, iyunun 12-də yaralı və ağır yaralı hərbçilərdən ibarət qruplar vətənə qaytarılıb.
Ukrayna Prezidenti Volodimir Zelenski bildirib ki, ordunun əsgərləri, Milli Qvardiya və Sərhəd Xidməti əməkdaşları evlərinə dönüb və onlara zəruri tibbi yardım göstəriləcək. Bu, ağır yaralı hərbçilərin geri qaytarılması üzrə ikinci mərhələdir.
Zelenski qeyd edib ki, Rusiya əsirliyində olan hər bir vətəndaşın geri dönüşü üçün işlər davam etdirilir.
Rusiya nümayəndə heyətinin rəhbəri Vladimir Medinski tərəflərin “1200-ün 1200-ə” formatında əsir mübadiləsi həyata keçirəcəyini açıqlayıb.
Bundan əlavə, tərəflər təxminən 6 min hərbçinin cəsədinin repatriasiyası üzrə razılığa gəliblər. Lakin Zelenski bu prosesdə ehtiyatlı olmaq lazım olduğunu və rusların yalnız 15-20 faiz cəsədi tanıya bildiyini vurğulayıb.
Dövlət başçısı əsas məqsədin ukraynalıların cəsədlərinin geri qaytarılması olduğunu qeyd edib.
20:24 12.06.2025
Oxunuş sayı: 1242
