İran Çindən aldığı materiallarla raket hazırlayıb Husilərə ötürür
İran Çindən ballistik raket istehsalında istifadə olunan materiallar sifariş edib.
Crossmedia.az “Newsweek”ə istinadən xəbər verir ki, Tehran 800-ə qədər bərk yanacaqla işləyən raket hazırlamaq üçün kifayət qədər ammonium perklorat tədarük etməyə hazırlaşır.
Mənbələrin bildirdiyinə görə, bu raketlərin təxminən 300 ədədinin Yəməndəki Husi qruplaşmasına verilməsi planlaşdırılır. Çinin eyni zamanda İrana ağır ballistik raketlərin hazırlanmasında istifadə edilən üç xüsusi kimyəvi maddə ilə də təchizat həyata keçirəcəyi vurğulanır.
Bununla paralel olaraq, Rusiya da İranın radio-elektron mübarizə (REM) sistemləri ilə təminatını gücləndirib.
Məlumat beynəlxalq ekspertlər tərəfindən regionda silahlanma dinamikasının artması və potensial eskalasiya risklərinin güclənməsi kontekstində qiymətləndirilir.
19:06 12.06.2025
Oxunuş sayı: 1215
