Macarıstanın Baş naziri Gürcüstan hökumətini müdafiə edib
Macarıstanın Baş naziri Viktor Orban Gürcüstan hökumətinə dəstəyini ifadə edərək Avropa İttifaqının Tbilisidəki siyasi mövqedən ehtiyat etdiyini bildirib. Bu barədə Gürcüstan mediası məlumat yayıb.
Crossmedia.az xəbər verir ki, Orban çıxışında 2022-ci ildə beynəlxalq səviyyədə liberal dairələrin həm Macarıstanda, həm də Gürcüstanda hökumətləri dəyişdirməyə cəhd etdiyini qeyd edib: "Gürcüstan hökuməti Brüsselin qarşısına çıxmaqdan çəkinəcəyi qədər güclü bir qüvvədir", – deyə o bildirib.
Macarıstan hökumət başçısı Gürcüstanın ilk olaraq bu cür təzyiqlərə qarşı dayandığını xatırladaraq bu mövqeyin Macarıstan üçün də yaxın olduğunu qeyd edib. “Macarıstan Gürcüstanın suverenliyini yalnız ikitərəfli münasibətlər çərçivəsində deyil, eyni zamanda Avropa İttifaqı daxilində də qətiyyətlə müdafiə edir. Biz həmişə sizin müttəfiqiniz olmuşuq və Gürcüstanın müstəqilliyi uğrunda bütün siyasi mübarizələrdə maraqlarınızı müdafiə etmişik – Brüssel razı olmasa belə,” – deyə Orban vurğulayıb.
Nigar Yahyazadə
16:10 12.06.2025
Oxunuş sayı: 8116
