DƏHŞƏT: Hindistanda təyyarə qəzasında 310 nəfər həlak olub - YENİLƏNİB
Hindistanın qərbində "Air India" aviaşirkətinə məxsus "Boeing 787 Dreamliner" təyyarəsinin qəzaya uğraması nəticəsində 310-dan çox insan həlak olub.
Crossmedia.az xəbər verir ki, bu barədə "The New Indian Express" qəzeti mənbələrinə istinadən məlumat yayıb.
Məlumata görə, qəzaya uğrayan təyyarənin göyərtəsində olan sərnişinlərdən 240-dan çoxunun həlak olduğu artıq təsdiqlənib.
75 nəfər isə hava gəmisinin çırpıldığı yataqxanada olanlardır.
19:59
XXX
Hindistanın qərbində “Air India” aviaşirkətinin qəzaya uğramış “Boeing 787 Dreamliner” təyyarəsinin bir sərnişini sağ qalıb.
Crossmedia.az xəbər verir ki, bu barədə “News 18” telekanalı məlumat yayıb.
"Polis qəza yerində sağ qalan bir nəfəri aşkarlayıb", - telekanal Əhmədbad polisinin məlumatına istinadən bildirib.
Məlumata görə, o, Hindistan vətəndaşıdır və hazırda xəstəxanadadır.
Daha əvvəl göyərtədə olan 242 nəfərin hamısının həlak olduğu bildirilmişdi.
15:24
XXX
Hindistanın qərbində qəzaya uğrayan təyyarə həkimlərin yataqxanasının yerləşdiyi binanın üzərinə düşüb.
Crossmedia.az xəbər verir ki, yerli polis zabiti bu barədə jurnalistlər üçü təşkil olunan brifinqdə deyib.
“İlkin məlumata görə, Londona uçan “Air India” aviaşirkətinə məxsus təyyarə qəzaya uğrayaraq həkimlərin qaldığı yataqxanaya çırpılıb. Təcili xidmət orqanlarının əməkdaşları 2-3 dəqiqə ərzində hadisə yerinə gəlib. Hazırda qəzanın baş verdiyi ərazidə axtarış xilasetmə əməliyyatı davam edir”, - deyə o bildirib.
“News18” telekanalının məlumatına görə, qəza zamanı ölənlərin sayı 133 nəfərə çatıb.
Qeyd edək ki, “Boeing 787 Dreamliner” təyyarəsi Hindistanın qərbindəki Əhmədabad hava limanından qalxdıqdan az sonra qəzaya uğrayıb. Londona uçan təyyarənin göyərtəsində 242 nəfər, o cümlədən iki pilot və 10 bələdçi olub. NDTV telekanalı qəzadan sağ çıxanların olduğu barədə məlumat yayıb. Həlak olanlar və yaralananlar barədə hələ ki rəsmi məlumat verilmir.
13:48
Hindistanda təyyarə qəzası nəticəsində 30 nəfər həlak olub.
Crossmedia.az xəbər verir ki, bu barədə “News18” telekanalı məlumat yayıb.
Bildirilib ki, Hindistanın Baş naziri Narendra Modi mülki aviasiya xidmətinin rəhbəri ilə hadisənin təfərrüatlarını müzakirə edib.
Təyyarənin havaya qalxdıqdan dərhal sonra Əhmədabad hava limanı yaxınlığında qəzaya uğradığı bildirilir.
12:52
Hindistanın Əhmədabad hava limanı yaxınlığındakı yaşayış məntəqəsində sərnişin təyyarəsi qəzaya uğrayıb.
Crossmedia.az xəbər verir ki, bu barədə NDTV telekanalı məlumat yayıb.
Məlumata görə, qəzaya uğrayan təyyarə “Air India” aviaşirkətinə məxsusdur.
Hadisə yerindən çəkilmiş videogörüntülərdə yerdən qatı tüstünün qalxdığı görünür.
Çoxlu sayda təcili yardım maşını hadisə yerinə gəlib. Polis həmin ərazidə nəqliyyatın hərəkətini tam məhdudlaşdırıb.
“News18” telekanalının məlumatına görə, qəzaya uğrayan təyyarə göyərtəsində təxminən 250 sərnişinin olduğu “Boeing 787-8 Dreamliner” təyyarəsidir.
Hadisənin təyyarə Londona uçarkən baş verdiyi ehtimal olunur.
21:40 12.06.2025
Oxunuş sayı: 8875
