İsrailli mütəxəssislər: İranın casusluq iddiaları şişirdilib
İsrailin təhlükəsizlik ekspertləri İran rəsmilərinin İsraildən həssas məlumat və sənədlər əldə etmələri ilə bağlı son açıqlamalarına ehtiyatla yanaşıblar.
Crossmedia.az xarici KİV-ə istinadən xəbər verir ki, mütəxəssislər bu bəyanatları şişirdilmiş və psixoloji müharibənin tərkib hissəsi kimi qiymətləndiriblər.
Qeyd olunub ki, İran tərəfinin iddia etdiyi kimi, əldə olunan məlumatların əhəmiyyəti realda daha aşağı ola bilər.
“İran dünyaya göstərməyə çalışır ki, onun kəşfiyyat strukturları yüksək peşəkarlığa malikdir. Lakin böyük ehtimalla, bu görüntünü yaratmaq üçün onlar dezinformasiyadan istifadə edirlər”, – deyə təhlükəsizlik ekspertləri bildiriblər.
Xatırladaq ki, ötən gün İran, İsrailin nüvə proqramı və strateji obyektlərinə dair minlərlə məxfi sənədi ələ keçirdiyini açıqlamışdı.
18:28 09.06.2025
Oxunuş sayı: 995
