Orban: “Ruslar yalnız güc dilini başa düşür – Avropa zəifdir, vəziyyət kritikdir!”
Macarıstanın Baş naziri Viktor Orban Avropanın Rusiya ilə danışıqlarda uğurlu olmaq üçün güc mövqeyindən çıxış etməli olduğunu bildirib. Orban qeyd edib ki, ruslar yalnız güc dilini anlayır, lakin Avropa hazırda bu dili istifadə etmək gücündə deyil.
Crossmedia.az xəbər verir ki, Bu barədə Fransanın LCI televiziya kanalına məlumat verib.
“Ruslar yalnız güc dilini anlayır və Avropa da güclü olmalıdır. Təəssüf ki, biz hazırda zəifik, buna görə də amerikalılara ehtiyacımız var. Amma uzunmüddətli perspektivdə Avropa özü güclü olmalıdır və yalnız güclü Avropa Rusiya ilə strateji razılaşma əldə edə bilər,” – deyə Orban bildirib.
O həmçinin vurğulayıb ki, Avropa İttifaqı Rusiyanın prezidenti Vladimir Putin haqqında düşünmək əvəzinə, öz maraqlarına fokuslanmalıdır. Onun fikrincə, Avropa qitəsinin öz müstəqil maraqları var və bu maraqları qorumaq üçün həm Rusiya ilə, həm də Rusiyaya qarşı güclü olmağı bacarmalıdır.
Nigar Rəhimova
18:05 09.06.2025
Oxunuş sayı: 956
