Paşinyan II Qareginin istefasını tələb etdi və yeni Katolikosun seçilməsini istədi
Ermənistanın Baş naziri Nikol Paşinyan sosial şəbəkə hesabında paylaşdığı açıqlamada Ermənistan Apostol Kilsəsinin rəhbəri, Katolikos II Qaregini ciddi ittihamlarla hədəfə alıb və onun vəzifədən getməli olduğunu bildirib.
Crossmedia.az xəbər verir ki, Bu barədə CNN məlumat verib.
Paşinyan iddia edir ki, II Qaregin könüllü subaylıq andını pozaraq övlad sahibi olub. Baş nazir bu faktın mövcud olduğunu və II Qareginin bunu inkar edəcəyi təqdirdə, sübutlar təqdim edəcəyini bildirib.
“Bu fakt Ermənistan Apostol Kilsəsinin kanonlarına əsasən, II Qaregin nə yepiskop, nə arxiyepiskop, nə də Katolikos ola bilməyəcəyini göstərir. Bu səbəbdən Ktrich Nersisyan da Patriarxlıqdan getməlidir,” deyə Paşinyan bildirib.
Baş nazir Ermənistan Apostol Kilsəsinin mənəvi dəyərlərinə hörmət etdiyini vurğulayıb .
Nigar Rəhimova
17:25 09.06.2025
Oxunuş sayı: 792
