İlon Mask Ağ Evdə dava edib – Trampın sabiq müşavirindən iddia
ABŞ prezidenti Donald Trampın sabiq müşaviri Stiv Bannon, milyarder İlon Maskın Ağ Evdə fiziki davaya qarışdığını iddia edib.
Crossmedia.az xəbər verir ki, Bannonun sözlərinə görə, Mask və maliyyə naziri Skott Bessent arasında Ağ Evdə gərgin mübahisə yaşanıb və bu, fiziki qarşıdurmaya çevrilib. Mübahisəyə səbəb, Maskın federal büdcədən 1 trilyon dollar ixtisar vədi verib, lakin bunun yalnız 100 milyard dollarlıq hissəsini yerinə yetirməsi olub.
Bannon hadisə ilə bağlı bunları deyib:
“Skott Bessent ona yaxınlaşıb və deyib: ‘Siz bizə 1 trilyon dollar ixtisar vəd etmişdiniz, amma cəmi 100 milyardlıq qənaət var. Heç kim real tədbir görmür. Siz nə ilə məşğulsunuz?’”
O, bildirib ki, bu sözlər Maskı əsəbiləşdirib və nəticədə Mask fiziki zorakılığa əl atıb: “Bu onun üçün həssas məsələdir. O, Bessenti itələdi. Faktiki olaraq, onu döydü”.
Bannon əlavə edib ki, insidentdən sonra prezident Tramp tamamilə maliyyə naziri Skott Bessentin tərəfini tutub.
Hadisə ilə bağlı nə Tramp, nə də İlon Maskdan rəsmi açıqlama verilməyib.
Mədinə Cəlilova
06:00 09.06.2025
Oxunuş sayı: 8295
