Polşa prezidenti Ukraynanın Aİ üzvlüyünə qarşı çıxdı: "Milli maraqlar əvvəldə gəlir"
"Mən hazırda Ukraynanın Aİ-yə daxil olmasının əleyhinəyəm. Bununla belə, etiraf edirəm ki, biz Ukraynanı strateji və geosiyasi baxımdan dəstəkləməliyik".
Crossmedia.az xarici mediaya istinadən xəbər verir ki, bu sözləri Polşanın yeni prezidenti Karol Navroçki deyib.
"Lakin Ukrayna da öz qonşularının tarixinə hörmət etməlidir. Ümumilikdə isə Ukraynanın Aİ-yə sürətli üzvlüyü Polşanın maraqlarına uyğun deyil.
Ukrayna həm kənd təsərrüfatı həm də logistika sahəsində Polşanın rəqibidir. Eyni zamanda Volin qətliamına görə Ukrayna heç bir məsuliyyəti hələ öhdəsinə götürməyib.
Ukrayna burada mütləq şəkildə üzərinə düşənləri etməlidir. Biz Ukraynaya qarşı olaraq öz Kənd Təsərrüfatı və logistika sektorumuzun maraqlarını qoruyacağıq. Polşa Macarıstanla birlikdə öz milli maraqlarını hər şeydən üstün tutacaq".
20:05 08.06.2025
Oxunuş sayı: 7163
