Türk dövlətləri birgə CubeSat peyki hazırlayır
Türk Dövlətləri Təşkilatına (TDT) üzv ölkələr birgə elmi peyk layihəsi üzərində çalışırlar.
Crossmedia.az xəbər verir ki, bu barədə “Uzbеkkosmos” agentliyinin direktor müavini Muxiddin İbragimov məlumat verib.
Onun sözlərinə görə, hazırda Özbəkistan və Qazaxıstan mütəxəssisləri CubeSat tipli peykin yığılması üzərində işləyirlər. Layihə TDT çərçivəsində həyata keçirilir və üzv dövlətlər aparatın hazırlanmasına və gələcəkdə orbitə buraxılmasına dəstək göstərirlər.
İbragimov bildirib ki, bu peyk kamera və bir neçə tədqiqat cihazı ilə təchiz olunacaq: “Layihənin əsas məqsədi peykin və onun komponentlərinin sınaqdan keçirilməsidir. Özbəkistan bu prosesə fəal şəkildə cəlb olunub.
Zəhra Ağayeva
18:34 08.06.2025
Oxunuş sayı: 822
