Xarici xəbərlər

İsrail ordusu Qurban bayramında mülki əhalini hədəf alıb

İsrail ordusu Qurban bayramının ikinci günündə Qəzza zolağında mülki əhalini hədəf alıb.

Crossmedia.az xəbər verir ki, Qəzza Mülki Müdafiə İdarəsinin sözçüsü Mahmud Basal Anadolu Agentliyinə verdiyi açıqlamada, hücumlar nəticəsində azı 50 fələstinlinin həyatını itirdiyini, onlarla insanın yaralandığını bildirib.

İsrail Hərbi Hava Qüvvələri Sabra məhəlləsində yerləşən bir yaşayış binasını bombalayıb.

Hadisə zamanı 6-sı uşaq olmaqla 15 nəfər həlak olub, 50 nəfər yaralanıb. Dağıntılar altında qalanlar üçün axtarış-xilasetmə işləri çətinliklərlə davam edir.

Cibaliya, Bureyc, Rəfah, Mevasi və digər bölgələrdə də müxtəlif hücumlarda mülki itkilər qeydə alınıb. Xan Yunisdə bir neçə bina tamamilə dağıdılıb.

Aybəniz Səfərova

🖨 Çap et

18:55 07.06.2025

Oxunuş sayı: 10833