Türkiyədə bir neçə bölgədə zəlzələ baş verib
Türkiyədə bu gün bir neçə bölgədə zəlzələ qeydə alınıb.
Crossmedia.az xəbər verir ki, bu barədə məlumatı Kandilli Rəsədxanası və AFAD yayıb.
Məlumata görə, iyunun 7-də saat 15:46-da Egey dənizinin Çanaqqala vilayətinə bağlı Gökçeada sahillərində 5,2 maqnitudalı zəlzələ baş verib.
Yeraltı təkanların ocağı 7 km dərinlikdə yerləşib. Zəlzələ Ayion Oros (Yunanıstan) istiqamətində, Gökçeadaya təxminən 130 kilometr məsafədə qeydə alınıb.
Səhər saatlarında isə İranın Qərbi Azərbaycan əyalətinin Xoy şəhəri yaxınlığında yerli vaxtla saat 08:02-də 2,9 maqnitudalı zəlzələ baş verib. Təkanlar Türkiyənin Van bölgəsinin Başkale rayonundan 54 kilometr uzaqlıqda və 5,35 km dərinlikdə hiss olunub.
Qeyd edək ki, Türkiyə zəlzələ riski yüksək olan bölgədə yerləşir və ölkədə tez-tez müxtəlif gücdə yeraltı təkanlar baş verir.
Aybəniz Səfərova
18:17 07.06.2025
Oxunuş sayı: 8564
