Slovakiya parlamenti hökümətə Aİ-nin Rusiyaya qarşı sanksiyalarını vetolamağa çağıran qətnamə qəbul edib
2025-ci il iyunun 5-də Slovakiya Milli Şurası hökumətə Avropa İttifaqının Rusiyaya qarşı tətbiq etdiyi sanksiyaları veto etməyə çağıran qətnaməni qəbul edib.
Crossmedia.az xarici KİV-ə istinadən xəbər verir ki, qətnamənin müzakirəsi zamanı müxalifət nümayəndələri iclası tərk edərək onun keçirilməsini əngəlləməyə çalışıblar. Lakin bir müxalif deputatın iclasda iştirakı nəticəsində parlamentin fəaliyyəti üçün tələb olunan minimal kvorum 76 nəfər təmin olunub. Səsvermə zamanı 76 deputatdan 51-i sənədin lehinə səs verib.
Qəbul edilən sənəd tövsiyə xarakteri daşıyır və hökumət üçün məcburi hüquqi qüvvəyə malik deyil. Bununla belə, qətnamə Slovakiya parlamentində Aİ-nin sanksiyalar siyasətinə qarşı artan tənqidi yanaşmanın göstəricisi kimi qiymətləndirilir.
03:00 07.06.2025
Oxunuş sayı: 8976
