Suriyada Əsəd rejimindən sonra ilk Qurban bayramı qeyd olundu
Suriyanın paytaxtı Dəməşqdə təxminən 2 min müsəlman tarixi Əməvi məscidində Əsəd rejiminin devrilməsindən sonra ilk Qurban bayramı namazını qılıb.
Crossmedia.az xəbər verir ki, bayram öncəsi ölkədə hazırlıqlar günlərlə davam edib. Səhər saatlarında minlərlə insan bayram namazı üçün Əməvi məscidinə toplaşıb. Yerli vaxtla saat 05:15-də bayram namazı qılınıb.
Təhlükəsizlik məqsədilə məscid ətrafında polis qüvvələri, səhiyyə işçiləri və təcili yardım maşınları yerləşdirilib. Namazdan sonra möminlər bir-biri ilə bayramlaşıb.
Bayramı 14 ildən sonra ilk dəfə doğma şəhərində qeyd edən suriyalı bir tacir hisslərini belə ifadə edib: “14 il sonra yenidən Dəməşqdə bayram namazı qılmaq sözlə ifadə olunmayacaq bir hissdir. Bu gün Əməvi məscidində yalnız suriyalılar deyil, müxtəlif ölkələrdən gələn insanlar da var idi”.
Mədinə Cəlilova
22:30 06.06.2025
Oxunuş sayı: 9317
