WSJ: “İran ballistik raketlərin yanacağı üçün Çindən xammal alır”
Tehran ABŞ ilə gərgin nüvə danışıqları fonunda hərbi potensialını bərpa etməyə çalışır.
Crossmedia.az xarici mediaya istinadən xəbər verir ki, bu barədə “The Wall Street Journal” dünən adı açıqlanmayan mənbələrə istinadən yazıb.
Məlumata görə, İran ballistik raketlərin istehsalı üçün lazım olan minlərlə ton materialı Çindən sifariş edib. Bildirilib ki, xammala “ammonium perxlorat” daxildir və mənbələrin dediyinə görə, yaxın aylarda İrana çatacaq. Ammonium perxlorat İranın ballistik raketləri üçün bərk yanacaq istehsalının əsas tərkib hissəsidir.
Qeyd olunub ki, bu materialların bəziləri husilər də daxil olmaqla, bölgədə İrana bağlı olan silahlı qruplara göndəriləcək.
12:48 06.06.2025
Oxunuş sayı: 8666
