KİV: Tehran nüvə proqramında beynəlxalq əməkdaşlığa açıqdır
Amerikanın “Axios” nəşri adı açıqlanmayan İran rəsmisinə istinadən xəbər verir ki, Tehran nüvə zənginləşdirmə prosesində texnoloji nəzarət və şəffaflığın artırılması məqsədilə ABŞ-la beynəlxalq əməkdaşlığa razılıq verməyə hazırdır.
Crossmedia.az xəbər verir ki, rəsminin sözlərinə görə, “əgər konsorsium İran sərhədləri daxilində fəaliyyət göstərərsə, bu təklif nəzərdən keçirilə bilər. Lakin ölkə xaricində həyata keçirilərsə, uğursuzluğa düçar olacaq”.
Həmçinin bildirilib ki, bu beynəlxalq əməkdaşlıq çərçivəsində ABŞ, İran, Səudiyyə Ərəbistanı, Birləşmiş Ərəb Əmirlikləri, Qətər və Türkiyə kimi ölkələrin iştirakı mümkündür.
21:14 05.06.2025
Oxunuş sayı: 9712
