Gürcüstanda Aİ-yə qarşı mənfi rəyin əsas səbəbləri üzə çıxdı
Gürcüstan parlamentinin sədri Şalva Papuashvili ölkədə Avropa İttifaqına qarşı yaranan neqativ münasibətin əsas səbəblərini açıqlayıb.
Crossmedia.az xəbər verir ki, onun sözlərinə görə, əhalinin bir hissəsi Avropa İttifaqını zorakılıqla, xüsusilə “Molotov kokteyli” ilə assosiasiya edir və Avropa dəyərlərini daima yanlış şəkildə qavrayır. Papuashvilinin fikrincə, bu təhrif olunmuş təsəvvür vətəndaşlar arasında Aİ-yə qarşı mənfi münasibətin formalaşmasına səbəb olur.
“İnsan yandırmaq aktı Avropa ideallarının bir hissəsi kimi təqdim olunur ki, bu da Avropa İttifaqına qarşı mənfi münasibətin yaranmasına təkan verir,” - deyə o bildirib.
Martın 27-dən aprelin 15-dək keçirilmiş son Eurobarometer tədqiqatının nəticələrinə əsasən, Gürcüstanda Avropa İttifaqına etimad 9 faiz azalaraq 49%-ə enib.
Aİ-yə üzvlüyü müsbət qiymətləndirənlərin sayı 69%-dən 60%-ə düşüb. Sorğu iştirakçılarının 7%-i isə Avropa İttifaqına üzvlüyü zərərli hesab edib.
Ümumilikdə respondentlərin 75%-i Avropa İttifaqına inteqrasiyanı faydalı sayır ki, bu göstərici əvvəlki 82%-lik rəqəmdən aşağıdır.
20:59 05.06.2025
Oxunuş sayı: 9401
